قرب شوف البرلمان «ع المكشوف»!

قرب شوف البرلمان «ع المكشوف»!
27 ديسمبر 2015

قرب شوف البرلمان «ع المكشوف»!

محمد زكي

قرب شوف البرلمان «ع المكشوف»!

< الوزير «العنترى», أحمد زكى بدر, أقال محافظ الشرقية رضا عبد السلام على طريقة «اطرد المربوط يخاف السايب»!!

< «حركة المحافظين» المباغتة رفعت تحذير: «المحافظ مش بس بتصريحاته وكلمته.. ده المحافظ برعايته لأهل محافظته»!!

< وزير «النفايات والبيئة» خالد فهمى مشتاق للعمل مع نواب البرلمان الجديد.. وكله بما يُرضى «الكرسى الوزارى»!!

< على رأى المثل: الزوج آخر من يعلم.. وعلى رأينا: «الحكومة خير من تعلم الشعب «أدب الجوع»!!

< بعد استقالة محمود سعد ع الهوا من قناة «النهار» عايزين نفكره «رحم الله إعلامياً متلوناً عرف قدر نفسه»!!

< خُدوا فالكم من وزرائكم: يعنى وزير النهاردة مفترى.. بُكرة على «البورش» عنترى!!

< شوفنا زماااان فيلم «عماشة فى الأدغال» ودلوقتى بنشوف «مغامرات عُكاشة فى البرلمان»!!

< الحصاد السياسي لعام 2015: أصبح عندنا برلمان وائتلافات.. وربنا يُستر على اللى جاى.. ويرحم اللى فات.. والحدق يفهم بـ «اللكمات»!!

< تعهد الحكومة بتخفيض معدلات البطالة من 12.8% إلى 10% فى عام 2016 محتاج وقفة مع الشباب العاطل «ع القهاوى»!!

< عشر سلع ارتفعت أسعارها فى عام 2015.. تصدّرتها «الكوسة».. وما أدرانا ما «الكوسة» محشى وطبيخ وتطبيخ!!

< 11 هدفاً استراتيجيا فى برنامج الحكومة.. أوله تخفيض سعر «اللحمة» وآخره تخفيض حِدة «الزحمة»!!

< على مسئولية سعد الجيوشى وزير «التكاتك والنقل البطيء»: مرتب سائق المترو يصل إلى 8 آلاف جنيه شهرياً.. وسلملى ع المترو!!

< 87 سيدة فى البرلمان الجديد تأكيد بأن الستات ميعرفوش يطبخوا «الكوتة»!!

< مهرجان تخفيض اللحوم والدواجن بالمجمعات يرفع شعار «النهاردة تتفرج بفلوس وبكرة تأكل ببلاش»!!

< طبقاً لصحيفة بريطانية: الجنيه الورقى المصرى من أجمل العُملات على وجه الأرض.. وعلشانكُم: «كلمتى المرة دى مش ممكن تنزل التضخم أبدااااا»!!

< القرار المفاجئ لوزير «التعليل العالى» بحل اتحاد طلاب مصر «فيه إنّ ومدرجاتها»!!

< الفنانة إلهام شاهين وصفت نفسها بـ «أُم الفلول».. وطبعاً «الفِل» لا يفله إلا «الفِل»!!

< مصر استوردت ملابس نسائية و «قُمصان نوم» بـ 103 ملايين دولار.. رغم أن الرجالة بيشاهدوا كل ليلة فيلم الزعيم «النوم فى العسل»!!

< دورات تدربيبة مكثفة لنواب البرلمان الجُدد على خُطى: «يا قانون قوللى رايح على فين»؟!

< فى العهد البائد تعودنا نسمع تهديد «المجلس سيد قراره» ودلوقتى بنسمع تحذير «البرلمان سيد ائتلافه».. اللهم يجعله طاير بأوراق استجواباته!!

 

آَخِر شَوْكَشَة

< < قريبا فى الموسم الجديد.. قرب قرب وشووووف البرلمان ع المكشوف.. ويجعله عامر بـ «الائتلافات» من غير «ضرب ولا خناقات»!!

 

‏Elzaky2020@gmail.Com

  • تعليقات فيسبوك
  • اعلان